Society & CultureEducationKids & FamilyExplicit

Helüait - Kullõ õnnõ!

Võro Instituut

Kirändüs ja perimüs. Latsilõ ja suurilõ. Võro keelen.

Play

Open in

22 episodes
monthly
Avg 50 min
Estonian

Episodes 22

Newest Oldest Longest

All20 Unplayed20 In progress0 Played0

Counted on this page — what you have heard stays on this device, so it is not something the list can be paged by.

September 22 · 59 min
Poodi man Grünbergi Maria: seto värk
Poodi man saimiq kokko hää naaberrahva esindajaga – Setomaa seo aastaga nuursootska Grünbergi Mariaga. Maria om fotograaf, mäng pilli, lugõ raadion setokeelitsit uudissit ja om muidu aktiivnõ nuur inemine. Kõnõlimiq, kuis timä uma seto hindätiidmisest arvo saiõ, määndsiid tegemiisi tuu om ello toonuq ja määne om tuu seto kultuur, kiil ja murõq, midä jutu käügin naksimi kutsma seto värgis. Helü pand kõlama VõruHUUB Tugõ Eesti Rahvakultuuri Keskus Vällä lastu 22.09.2026 The post Poodi man Grünbergi Maria: seto värk appeared first on Helüait.
September 1 · 49 min
Poodi man Jüvä Sullõv ja Navitrolla: Kaika Suvõülikooli eri
Kaika Suvõülikoolin 15. augustil 2026 võtsõmi üles jutuajamisõ kunstnik Navitrolla (Heiki Trolla) ja keeletiidläse Jüvä Sulõviga. Mõlõmbaq ommaq peri Navi küläst ja sääl uma tegemiisiga inemises kasunu. Juttu tull mässumiilsüsest, tollõst kuis Sulõvi iinkujol nakas Heiki joonistama ja Heiki iinkujol Sulõv egäpäävätselt võro kiilt kõnõlõma. Saimi teedäq, kuis nimäq edimäst kõrda Kaika Suvõülikoolin käveväq, ütskõrd Võro liina sildi Võros parandivä ja elufilosoofelt poodi takan tarkuisi kogosivä. Saatejuhis olliva Saarõ Hipp ja Rahmani Elo. Helü pand kõlama VõruHUUB Vällä lastu 01.09.2026 The post Poodi man Jüvä Sullõv ja Navitrolla: Kaika Suvõülikooli eri appeared first on Helüait.
August 9 · 1 hr 6 min
Kõnõla mõtsan mädänü puuga
“Kõnõla mõtsan mädänü puuga” om Saarõ Evari edimäne luulõkogu (2014), mink luulõtusõ omma kirotõt 1991–2014. Seo kogu luulõtuisi om varahampa avaldõt Eesti murdeluulõ antoloogian “Ime kütken tähe poole kist” (2002), ildamb Eesti kalaluulõ antoloogian (2021) ja antoloogian “Aga sina ei vasta. Surm eesti luules” (2026). Luulõtusõ om sisse lugõnu Tarmo Tagamets (2020–2021). Ka raamatut või viil saia, autori käest. The post Kõnõla mõtsan mädänü puuga appeared first on Helüait.
June 17 · 42 min
Poodi man Tarmo Tagamõts: tiatrijulgus
Tagamõtsa Tarmo om näütlejä ja lavastaja, kiä sai tuu tiatrinakkusõ Varstu Keskkoolist ja om elo joosul siin ja säälpuul tuud edesi vidänü. Kõnõlimi timä tegemiisist nii tiatrikoolin, Võro Tiatriateljeen ja mõtlimi vallalõ nii täämbädse ao harrasustiatri ku kutsõtiatri tegemiisi. Kas olnu vaia uma majja võrokiilsele tiatrilõ? Ka tuu sai ummamuudu vastussõ. Helü pand kõlama VõruHUUB, tugõ Eesti Rahvakultuuri keskus. Vällä lastu 17.06.2026. The post Poodi man Tarmo Tagamõts: tiatrijulgus appeared first on Helüait.
June 5 · 41 min
Poodi man Geidi Raat: kõllanõ küläelo
Geidi Raat (Raud) om Õdagulehe meelelahutustoimõndaja ja kiränik, kiä om uma raamatile sisse pandnu nii võro kiilt ku ka võro vaimu. Timä raamatun “Ümber ahju paremale” kõnõlõs päätegeläne võro keelen ja sisse om pant hulka müstiliisi tegeläisi. Õdagulehe man tege tä karmanihellü “Literaadio”, kon külälises om olnu ka võro kiränikke. Kuiki elo om veenü elämä Talna liina, om keelen ja meelen ütte-tõist Võromaalt, midä saa-õi inemise seest vällä võtta. Kõnõlõmi, kuis timä Võromaad, aokirändüst ni ello näge, sai nalla ja saimiq teedäq mitu hääd luku. Helü pand kõlama VõruHUUB, tugõ Eesti Rahvakultuuri Keskus. Vällä lastu 5. mail 2026. The post Poodi man Geidi Raat: kõllanõ küläelo appeared first on Helüait.
May 18 · 1 hr 10 min
Ma pühäpääväpõllõ mõsi
“Ma pühäpääväpõllõ mõsi” om Häniläse edimine õdaguvõrokiilne raamat (2010), mille luulõtusõ om sisse lugõnu autor esi (2026). Raamatut saa lukõ Eesti Rahvusraamadukogo digitaalarhiivin https://www.digar.ee/arhiiv/et/raamatud/108938 ja lainata Lõunõ-Eesti raamadukogodõst. The post Ma pühäpääväpõllõ mõsi appeared first on Helüait.
S4 · E4
April 14 · 43 min
Poodi man Enn Kasak: miä om peris ja kuis tuud löüdäq?
Kasagu Enn om astrofüüsik ja filosuuf, kiä om latsõst pääle huvvi tundnu tollõ vasta, kuis maailma periselt valla seletä. Täämbädses pääväs om selges saanu, et tuud ei saaq kätte õnnõ füüsiga ja mõõtmisõga, a filosuufia ja teoluugia abiga, midä ka täämbädsen ilman järjest inämb vaia lätt. Kõnõlimi tiidüstüüst, aost, ku Enn oll Võro Instituudi direktri, kuis võro kiilde tiidüssõnnu saiaq ja kuis taad kiilt häste tulõvaisilõ põlvilõ edesi andaq. Helü pand kõlama VõruHUUB, tugõ Eesti Rahvakultuuri Keskus. Salvõstus 22. märts, vällä lastu 14. aprill. The post Poodi man Enn Kasak: miä om peris ja kuis tuud löüdäq? appeared first on Helüait.
S4 · E3
April 1 · 49 min
Poodi man Janek Vaab: välästkaejast esiq tegejäs
Vaaba Janek om üles kasunu Talnan ja latsõpõlvõn tuudi tä egä suvi Tsuuru sugulasi mano, kon tä puttu kokko võrokõisi ausa meele ja keelega. Ku koolioppaja andsõ soovitusõ salvõsta vannu inemiisi juttõ, nakas Janek noid kogoma ja ütel hetkel saiõ helülindi päält arvo, et kõnõlas esiq kah võro kiilt. Ülikoolin nakas tä uurma hõkki võro keelen, oppama võro kiilt ja jõudsõ ka Võro Seltsi tegemiisi mano. Või-ollaq andsõ just timä mõttõ seo ka karmanihelü jaos. Juttu tulõ tollõst, kas parõmb om ollaq Võromaalt vai välänpuul üles kasunu, filosofeeritäs, kas eri sotsioklassõst peri inemiisil om eri kiil ja kiä sis päst maailma – noorõq vai vanaq vai kõik kuun. Helü pand kõlama VõruHUUB. Toetab Eesti Rahvakultuuri Keskus. The post Poodi man Janek Vaab: välästkaejast esiq tegejäs appeared first on Helüait.
S4 · E2
March 17 · 40 min
Poodi man Kaha Kaido: muusiga uma inemiisile
Kaha Kaido om Mammastõ miis, kelle ansambli Kõhukesed ehk Kõtukõsõq tege viimätsel aol järjest inämb võrokeelist muusikat. Õkva ilmu näide edimäne plaat “Keele pääl”. Kõnõlimi Kaidoga tuust, kuis ansambli tegüsi, kuis nä uma jaos tähtsä niši võro keele näol löüdsevä ja ommaq nüüd üleni Vana-Võromaa bänd. Juttu tull ka elost ja saekaatriärist maal, kuis Kaido trompetit opsõ ja määndsit lugusit kõnõl timä vanaimä. Helü pand kõlama VõruHUUB. Tugõ Eesti Rahvakultuuri keskus. Vällä lastu: 17.03.2026. The post Poodi man Kaha Kaido: muusiga uma inemiisile appeared first on Helüait.
S4 · E1
March 2 · 40 min
Poodi man: võro kiil nõvvokogodõ aol
Neländä huuao edimädsen jaon kõnõlõs Hipp uma magistritüüst, mille teemäs oll võro keele olokõrd nõvvokogodõ ütiskunnan ja koolin. Nõvvokogodõ aoleheq ommaq täüs oppajidõ lugusid tollõst, kuis näide koolin om rassõ opilaisi võro keele peräst, mõni pidäsi tuud välläjuurmist väärt olõvas, mõni löüdse hoobis väärtuslik olõvat. Ideoloogilinõ maastik es käseq õkva murdekiili vasta kampaaniat tetä, a ummõhta löüdü hulga kohalikkõ aktivistõ, kiä võro keele vasta kõnõlivä ja pedägoogilist mõtõt, miä toda soodust. Juttu tulõ ka pagulaskonnan võro keele keelest kuulutamisõst, mulgi ja Väike-Maarja murdõvõitluisist. Helü pand kõlama VõruHUUB. Tugõ Eesti Rahvakultuuri Keskus. The post Poodi man: võro kiil nõvvokogodõ aol appeared first on Helüait.
January 27 · 58 min
Poodi man Jüvä Sullõv: kimmäs kiil ja põhimõttõq
Poodi man käve külän Sulev Iva, kiä om võro keeletiidläne ja pall’o inemiisi om just timä käe all opnu Tarto Ülikoolin võro kiilt. Tä kõnõl’ meile umast latsõpõlvõst Navi külän ja Võro liinan, ku poiskõisi protestivaim vinne värgi ja nõvvokogo võimu vasta oll’ suur, a kujosi lõpus ümbre uma võro keele kaitsõrindõs. Juttu oll’ ka võrokiilse Vikipeediä sünnüst, keeleteknoloogiast ja tuust, määne kunstmudsu kõgõ parõmbahe võro kiilt mõikas. Helü pand kõlama VõruHUUB, tukõ Rahvakultuuri Keskus. Vällä last 27. vahtsõaastakuu pääväl 2025. The post Poodi man Jüvä Sullõv: kimmäs kiil ja põhimõttõq appeared first on Helüait.
Nov 18, 2025 · 54 min
Poodi man Contra: luulõpilet Antslast Lätti
Contra ehk Margus Konnula om luulõtuisi kirotanu täpselt 17. märdikuu pääväst 1989, midä alost tä mässulidsõl aol väikun Antsla liinan. Poodi man kõnõl tä uma tiikunnast ülevõromaalisõ ja -eestilisõ tuntuseni, tulõ juttu bussõst (millest Eliisabet seokõrd mahaq jäi), elost Antslan, Tarton ja Lätin. Tollõst, kuis Contra tõlk ja luuletas, kuis tä võro keelen luulõtama nakas ni midä om ütist lätläisil ja võrokõisil. Helü pand kõlama VõruHUUB. Tugõ Eesti Rahvakultuuri Keskus. Vällä lastu 18. märdikuud 2025. The post Poodi man Contra: luulõpilet Antslast Lätti appeared first on Helüait.
Nov 5, 2025 · 54 min
Poodi man Tiia Morfin: kas mõistat hindäle süvvä kasvata?
Morfini Tiia eläs Karulan ja pidä sääl Vanaimä Aida. Tuu tähendäs, et tä hoit uman aian alalõ vannu kasvosortõ, võtt siimnit ja tege aiatüüd nii, et uma süük olnu’ läbi terve aastagatsõõri võtta’, et vaiva nägemine om mõistlik ja saat esi’ kah arvo, mille tuu nii om. Jutus tulõ kõgõ vanõmb Eesti tomadisort, sitapatarei pääl indiaanlaisi mängmine, vannoimmi tarkusõ’ ja ka võro keele pruukminõ egäpääväelon. The post Poodi man Tiia Morfin: kas mõistat hindäle süvvä kasvata? appeared first on Helüait.
Oct 21, 2025 · 44 min
Poodi man Triinu Laan: kohalikkus lugõ
Laanõ Triinu om võro kiränik, kelle luukereluu omma saanu tuntus üle ilma ja ookeani. Kõnõlimi päämädselt kirändüsedust ja elost, kuis raamat kaugele jõud, kuis säält võro kiilt ja meelelaadi saa oppi ja pallo muud. Kõnõlimi ka Triinu tõisist tegemiisist, muu hulgan saami teedä, kuis sündü Uma Pido idee ja Helüait. Helü pand kõlama VõruHUUB, tugõ Eesti Rahvakultuuri Keskus. The post Poodi man Triinu Laan: kohalikkus lugõ appeared first on Helüait.
Sep 30, 2025 · 47 min
Poodi man Kerli Kirch Schneider: Võromaa naisiväest inspireerit
Kerli Kirch Schneider om Võromaal üles kasunu meediä- ja kommunikatsioonitiidläne, kiä om uurnu maanaisi elo, Taarka filmi, naismuusikide sotsiaalmeediät. Egäpäävätselt eläs ta USAn Floridan ja vii ka sinnä killukõisi tiidmisest nii Ida-Euruupa elost ku Võromaa elost. Tä om olnu ka filmi “Virago” režissöör, miä kõnõlas Kerli ja Hipõ ütidse vanaimä/vanavanaimä küläst Võromaal, kon kõik mehe kuuliva inne ku saiva 40. Kõnõlimi jäl iks latsõpõlvõst, tiidüstüüst, ameeriklaisi ja eestläisi erinevuisist ja muust elost. The post Poodi man Kerli Kirch Schneider: Võromaa naisiväest inspireerit appeared first on Helüait.
Sep 30, 2025 · 55 min
Poodi man Allasõ Tiia: midä tuu lugõ?
Allasõ Tiia om olnu võro keele, eesti keele ja kirändüse oppaja ja pikkä aigu tegelnü võrokiilse hariduse uurmise ja kõrraldamisega. Kõnõlimi poodi man tollõst, kuis kirändüstunn om latsi kõgõ vihatumb tunn, a samal aol kand võro kirändüs hindän väega suurt ossa võrokõisilõ tähtsäst meelelaadist. Juttu oll ka Tiia hindä koolitiist ja maakas olõmisõst. The post Poodi man Allasõ Tiia: midä tuu lugõ? appeared first on Helüait.
May 7, 2025 · 37 min
Poodi man Marko Puksing: sannast ni noidõ lugõmisõst
Puksingu Marko alias Pluuto om hüdrogeoloog, savipotimeistre ja muud põnõvat, a täl om üts esieräline hobi – kävvü nii pallo sannan ku võimalik. Noid sannu om tä kogonu elo joosul piäaigu tuhat tükkü. Päält tuu om Pluudo köüdet ka vahtsõ tegemisega – kõigi Eesti savvusannu üle lugõmisõga. Kõnõlõmi noist käügest ja täämbädse ao Võromaa sannakombist, kuis mõnõlõ tuu miildüs, mõnõlõ mitte, kus tuu om kõrraga praktline mõskmisõ kotus ja mõnõlõ piäaigu kerik. The post Poodi man Marko Puksing: sannast ni noidõ lugõmisõst appeared first on Helüait.
Apr 22, 2025 · 55 min
Poodi man Robin Liiber: mulgi ja muu lõunamaalase tulõvigust
Liiberi Robin om nuur mulk, kiä opp riigitiidüst Tarto ülikoolin, Poodi man kõnõlimi tuust, kuis tä esi om uma mulgi keele ja aktivismi manu jõudnu, mille tuu tähtsä om ja määne om uma kultuuri kandmise olokõrd Mulgimaal. Päält tuu kõnõlimi veidü Tarto2024 projektist “Rising young ambassadors in minority cultural field” ja võro-seto-mulgi nuuri kuuntüü võimaluisist. The post Poodi man Robin Liiber: mulgi ja muu lõunamaalase tulõvigust appeared first on Helüait.
Mar 12, 2025 · 43 min
Poodi man Helen Plado: kirega keeletiidüsest
Võromaa juuriga keeletiidläne Plado Helen tege vahtsõn episoodin lühkült ja lihtsalt selges võro keele sugulusõ tõisi soome-ugri kiiliga, võro keele ja tõisi lõunaeestikiili umavaihõlidsõ nii sisemise suhtõ. Pääle tuud tulõ juttu viil võro keele grammatigaraamadu kokko pandmisõst, raamatide lugõmisõst ja inglüse keele mõjodest. The post Poodi man Helen Plado: kirega keeletiidüsest appeared first on Helüait.
Feb 26, 2025 · 56 min
Poodi man Rahmani Elo: ei saa liina kodos pitä
Rahmani Elo käü Tarton Tamme Gümnaasiumin ja kõrrald seol sügüsel võro keele nädäli sääl eriti võimsalt, miä pandsõ kõik oppajaq täl perän käümä. Karmanihelün saa kullõlda, kuis üle Tarto liina lövvüs hulga võro värgist huvitet nuuri, mis kasu om Keelepesän käümisest ja kuis Elo laulma nakas. The post Poodi man Rahmani Elo: ei saa liina kodos pitä appeared first on Helüait.

Showing 1–20 of 22 episodes